सातारा : सातारा वाहतूक शाखेच्या महिला कर्मचाऱ्यांनी कर्तव्य बजवताना दाखवलेल्या धाडसी कामगिरीमुळे मोठा अनर्थ टळला. युवकांच्या हाणामारीचा वाद तर रोखलाच, यांचबरोबर काही युवकाकडून धारधार हत्यारे हस्तगत करण्यात यश मिळवले. महिला सहायक पोलीस बनकर, महिला पोलीस हवालदार लोखंडे, कॉ. मोहिते या सर्व सातारा वाहतूक शाखेच्या कर्तव्य बजवणाऱ्या रणरागिनींनी मोठ्या धाडसाने हा मोठा अनर्थ टाळला. घटनेचा व्हिडीओ सोशल मीडियावर व्हायरल झाल्यानंतर या सर्व वाहतूक शाखेच्या महिला कर्मचाऱ्यांच्यावर सातारकराच्या कडून अभिनंदांचा वर्षाव होत आहे.
याबाबत वाहतूक शाखेच्या महिला कर्मचारी यांनी घटनास्थळाची दिलेली माहिती अशी की, शुक्रवारी दुपारी साडेचार वाजण्याच्या सुमारास सातारा तहसील कार्यालया समोर आकार हॉटेल परिसरात काही युवकांच्यात वाद सुरू होता. यामुळे परिसरात मोठया प्रमाणात गर्दी वाढू झाली. शेजारी भाजी मंडई व या गजबजलेल्या परिसरात अज्ञात युवकाला काही जण शोधत हॉटेल आकार पर्यत काहीजण आले. त्यांच्याकडे धार धार शस्त्रे असल्याची वाहतूक शाखेच्या महिला कर्मचारी यांना नागरिकानी माहिती दिल्यानंतर त्यांनी अंत्यत सतर्कता दाखवत संबधित चारचाकी वाहनाचा पाठलाग केला व संबधित अज्ञात युवकाकडून धारधार शस्त्रे जप्त केली. गजबजलेल्या तहसीलदार कार्यालया समोर व भाजी मंडई शेजारच्या हॉटेल आकार परिसरात गर्दीत मारहाण बाचाबाची सुरू असल्याची माहिती वाहुतक शाखेच्या महिला कर्मचारी यांनी शहर पोलिसांना दिली त्यानंतर तात्काळ गुन्हे प्रकटीकरण पथक घटनास्थळी दाखल होत त्यांनी संबधित युवकांना ताब्यात घेण्याची कारवाई सुरू केली. चार चाकी वाहनातून धार धार शस्त्रे सातारा वाहतूक शाखेच्या महिला कर्मचाऱ्यांनी हस्तगत करून ती शहर पोलिसांकडे जमा केली. या घटनेची माहिती वाहतूक शाखेचे प्रमुख सह्ययक पोलिस निरीक्षक अभिजीत यादव यांना दिल्यानंतर ते देखील तात्काळ घटनास्थळी दाखल झाले व पुढील कार्यवाही करण्यात आली.
