समस्त सातारकरांचे श्रद्धास्थान असणाऱ्या पंचपाळी हौद दुर्गामाता मंदीर चॅरिटेबल ट्रस्ट येथे अत्यंत भक्तिभावाने सप्तशती पाठ संपन्न झाला. पुणे, मुंबई, कोल्हापूर, सांगली तसेच सातारा जिल्ह्यातील महिलांनी मोठ्या संख्येने या कार्यक्रमात सहभाग घेतला. साधारण ६० ते ७० महिलांचा हा गट श्रद्धेने आणि उत्साहाने उपस्थित होता.
या प्रसंगी सौ.निर्मला शिंदे(उपप्राचार्य,श्री नाथ हायस्कुल आणि ज्युनियर कॉलेज, पैठण, औरंगाबाद) यांनीही उपस्थिती दर्शवली. त्या स्वतः अध्यात्मिक कार्यात सक्रिय असून, त्यांच्या उपस्थितीमुळे कार्यक्रमाला विशेष आध्यात्मिक वातावरण लाभले. हा कार्यक्रम यशस्वी करण्यासाठी
सौ. अनुराधा कुलकर्णी, श्री. व सौ. अंजली शिवदे, प्रतिभाताई पाटील यांचे विशेष योगदान लाभले. संपूर्ण पाठादरम्यान भाविकांनी देवीचे स्तवन, मंत्रोच्चार आणि आरती यांत मनःपूर्वक सहभाग घेतला.
उपस्थित महिलांच्या एकजुटीने, समन्वयाने आणि सहकार्याने हा भक्तिमय कार्यक्रम अत्यंत यशस्वीरीत्या पार पडला. यावेळी पंचपाळी हौद दुर्गामाता मंदीर चॅरिटेबल ट्रस्टचे सर्व विश्वस्त, पदाधिकारी उपस्थित होते.
