सातारा : सातारा शहराच्या ऐतिहासिक परंपरेला बाधा आणणारी दृश्य आहेत, राजवाडा परिसरातील. एकेकाळी जिल्हा न्यायालय व इतर महत्त्वाच्या कार्यालयाने गजबजलेला सातारचा राजवाडा परिसर सध्या असा सुनासुना दिसून येतो. त्यातच ऐतिहासिक गांधी मैदानावरील सोमण स्मारकाला अक्षरशः अवकळा प्राप्त होत आहे. त्यात आगंतुक आलेल्या आणि बेघर असलेल्या या पाहुण्यांचे वास्तव्य याच परिसरात राजवाडा दरवाजा तसेच पायऱ्यांवर असते. आणि मग येथे नको ते प्रकार सुरू होतात. पाहुण्यांच्या या कपडे वाळत घालण्याच्या प्रकाराने ऐतिहासिक वास्तू पाहण्यासाठी पर्यटक येथे भेट देतात. मात्र त्यांना हे ओंगळ रूप पाहायला मिळते. त्यामुळे अनेक जण नाके मुरडतात. आता सातारा पालिकेने या परिसरात येथे आगंतुक राहणाऱ्या आणि परिसरात घाण आणि विक्षिप्त प्रकार करणाऱ्या प्रकाराला तातडीने आळा घालावा व हा परिसर स्वच्छ सुंदर आणि देखणा बनवावा अशीच मागणी सातारकर नागरिक करीत आहेत.
