डी. एड. प्रवेशासाठी आत्ता दि. 25 ते 29 जुलैअखेर अंतिम विशेष फेरीद्वारेप्रवेशसातारा : महाराष्ट्र राज्य शैक्षणिक संशोधन व प्रशिक्षण परिषद,पुणे यांच्यावतीने राज्यभरामध्ये डी.एड. प्रवेश प्रक्रिया राबविली जाते. विद्या परिषदेमार्फत ऑनलाईन प्रवेश अर्ज भरण्याची मुदत दि. 12 जुलै अखेर देण्यात आली होती. विद्यार्थ्यांना कागदपत्रे मिळणेकामी तांत्रिक अडचणी येत असल्याने व वेळेत पूर्तता करणेस दिरंगाई झाल्यामुळे तसेच प्रवेशासाठी अनेक विद्यार्थी इच्छुक असल्याने पुन्हा शासनाने दि. 25 जुलै ते 29 जुलै अखेर अंतिम विशेष फेरीद्वारे प्रवेशाची संधी दिली आहे. सातारा जिल्हा शिक्षणाच्या बाबतीत राज्य स्तरावर अग्रेसर ठरल्यामुळे जिल्ह्यातून आठ अनुदानित अध्यापक विद्यालयात प्रवेशासाठी गर्दी झाली आहे. त्यामुळे शासनाने दिलेल्या विशेष फेरीचे कौतुक होत आहे. प्रवेशापासून वंचित राहू नये, तसेच प्रवेशाबाबतच्या सविस्तर माहितीसाठी विद्यार्थ्यांनी त्वरीत अध्यापक विद्यालयांशी संपर्क करावा. असे आवाहन महात्मा फुले अध्यापक विद्यालयाचे प्राचार्य व जिल्ह्याचे समन्वयक उदयकुमार सांगळे यांनी केले आहे.शासनांतर्गत पोर्टलमार्फत नोकरीची संधी सुरु असल्यामुळे तसेच डी.एड. करण्याबरोबरच यशवंतराव चव्हाण महाराष्ट्र मुक्त विद्यापीठातून बी.ए. किंवा बी. कॉम.पदवीदेखील प्राप्त करता येत असल्यामुळे विद्यार्थ्यांनी डी. एड. ला प्रथम पसंती दिली आहे. महाराष्ट्रातील अनेक जिल्ह्यात प्रवेश क्षमतेपेक्षा जास्त अर्ज प्राप्त झाले आहेत. त्यामुळे विद्यार्थ्यांना अपेक्षित कॉलेजमध्ये प्रवेश मिळणे कठीण झाले आहे. तेव्हा विद्यार्थ्यांनी त्वरित महात्मा फुले अध्यापक विद्यालयाशी संपर्क करावा.
About the author
