सातारा येथील बापूसाहेब चिपळूणकर मराठी शाळेने शनिवारी दिनांक 12 जुलै रोजी परिसरामध्ये वृक्षदिंडी काढली त्यात वारी आली वृक्षांची दिंडी चालली वृक्षरोपणाची या संकल्पनेनुसार वृक्षारोपणाचा संदेश नागरिकांना देण्यात आला व शालेय परिसरात असणारे पेढ्याचा भैरोबा डोंगरावर विद्यार्थ्यांनी 70 वृक्षांची लागवड केली. व विविध फळांच्या बिया जागोजागी लावल्या.
वृक्षांची सुरू असलेली बेसुमार कत्तल आणि वृक्षारोपणाची होत असलेले दुर्लक्ष याचा थेट परिणाम होऊन पर्यावरणाचा समतोल बिघडला त्यासाठी वृक्ष लावणे ही काळाची गरज झाली
हा संदेश देण्यासाठी इयत्ता चौथी ते सातवीच्या विद्यार्थ्यांनी परिसरामध्ये वृक्षदिंडी काढून वृक्ष संवर्धनाच्या घोषणा देऊन लोकांमध्ये वृक्ष लागवड व संवर्धनाची जनजागृती केली.
या दिंडीमध्ये शाळेचे मुख्याध्यापक संदीप मस्के,इयत्ता चौथी ते इयत्ता सातवी पर्यंत चे सर्व विद्यार्थी उपस्थित होते
त्याचबरोबर वृक्षदिंडी यशस्वी होण्यासाठी शाळेचे शिक्षक सौ.दिपाली बुधावले, श्रीमती कुसुम मोरे, श्री सुरज ननावरे, श्री बाळू शिंदे, श्री नरेंद्र निकम, श्री संतोष बामणे,श्री प्रदीप कणसे, श्री अभिजीत डांगे या शिक्षकांनी परिश्रम घेतले
या आगळ्यावेगळ्या वृक्षदिंडीने परिसरातील सर्व नागरिकांचे लक्ष वेधून घेतले होते
