श्रीमंत छत्रपती खासदार उदयनराजे भोसले यांनी केले विशेष कौतुक
सातारा : स्फूर्ती विद्यामंदिर नगरपालिका शाळा क्रमांक आठ शिर्केवाडा सातारा या शाळेचे चार विद्यार्थी सैनिक स्कूल प्रवेश परीक्षा पात्र ठरलेले आहेत त्यामध्ये समर्थ चव्हाण हा विद्यार्थी राज्यांमध्ये दुसरा क्रमांक मिळवून उत्तीर्ण झालेला आहे. तर साईराज सासे हा विद्यार्थी राज्यामध्ये 34 वा क्रमांक मिळवून उत्तीर्ण झालेला आहे. सदर विद्यार्थ्यांचे अभिनंदन व सत्कार जलमंदिर येथे माननीय खासदार श्रीमंत छत्रपती उदयनराजे भोसले यांचे हस्ते करण्यात आले. याप्रसंगी माजी नगराध्यक्ष व विद्यमान नगरसेवक सौ. सुजाताराजे महाडिक शाळेचे मुख्याध्यापक श्री. ज्ञानेश्वर कांबळे व शाळेचा सर्व शिक्षक स्टाफ उपस्थित होता.
श्रीमंत छत्रपती खासदार उदयनराजे भोसले यांनी नगरपालिकेत शिकणाऱ्या या सर्व विद्यार्थ्यांचे विशेष कौतुक केले. आज सातारा नगरपालिकेच्या शाळेचे नाव गाजविले. तसेच पात्र ठरलेल्या व उपस्थित सर्व विद्यार्थ्यांचे उदयनराजे यांनी त्यांच्या शैक्षणिक वाटचालीसाठी शुभेच्छा दिल्या.
