सातारा : पाऊस गीते आणि कवितांनी रंगली मैफिल येथील दीपलक्ष्मी नागरी सहकारी पतसंस्था आणि माय बिट्स
स्टुडिओच्यावतीने आयोजित पूर्व मराठी हिंदी गीतांची शब्द सुरांची मैफिल मेघ मल्हारला रसिकांचा उस्फूर्त प्रतिसाद लाभला.
मेघ-मल्हार प्रास्ताविकात शिरीष चिटणीस यांनी पाऊस कसा प्रत्येकांसाठी वेगळा भासतो यावर एक सुंदर कविता सादर केली. प्रमुख पाहुणे म्हणून बुलढाणा अर्बन पतसंस्थेचे
पदाधिकारी मनोहर देशमुख, सुनील साबळे, डॉ लियाकत शेख आणि ब्युटी, वेलनेस, फिटनेस तज्ञ डॉ. मृणालिनी कोळेकर उपस्थित होते.
यावेळी कळसुबाई शिखर सर केल्याबद्दल डॉ. मृणालिनी कोळेकर, जलील शेख, डॉ. वाय. पी यांचा सत्कार करण्यात आला.
कार्यक्रमाची सुरुवात भेट तुझी माझी स्मरते, नभ उतरू आले,
केतकीच्या बनी या गीतांनी अनुक्रमे डॉ. शेख, मंजिरी दिक्षित आणि वनिता कुंभार यांनी केली आणि सभागृहात टाळ्यांची बरसात झाली. उत्तरोत्तर पाऊस गीते आणि कवितांनी मैफिल रंगत गेली. माय बिट्सचे गायक अल्ताफ शेख, चव्हाण, मनोज सावंत यांसह चित्रा भिसे, इंद्रायणी कुलकर्णी, कल्याणी
इनामदार, मंजिरी दिक्षित, वनिता कुंभार आणि डॉ लियाकत शेख यांनी मेघ मल्हार कार्यक्रमात सूर भरले. चित्रा भिसे यांनी आपल्या माहितीपूर्ण निवेदनाने कार्यक्रम रंगतदार केला. सचिन व अक्षदा शेवडे यांनी उत्तम ध्वनीत व्यवस्था
केली. लगान चित्रपटातील घन न घन गीताने सांगता झाली.
कार्यक्रमास डॉ सुहास पाटील, मुकुंद पांडे, रवींद्र खांडेकर व
रसिक उपस्थित होते.
